Шот нысаны тұтынушыларға шот бойынша толтыру үдерісін жеңілдету, сондай-ақ тұтынушылардың ақпараттық деңгейін арттыру мақсатында жеңілдетілді. Төлем жасағаннан кейін қағаз шот қызмет тұтынушыда сақталатын болады, өйткені 2020 жылдан бастап шот бойынша коммуналдық қызметтерді төлеуді қабылдайтын «АЛСЕКО» АҚ мен банктер төлем туралы ақпаратты электрондық түрде сақтау тәсіліне көшті.

Шоттың жаңа нысаны тұтынушыларға қағаз шот бойынша төлем кезінде толтыруға арналған  уақытты екі есе үнемдеуге, есептеу құралдарының көрсеткіштерін және төлем сомаларын қолмен енгізген кезде қателерді болдырмауға мүмкіндік береді.Сонымен қатар, тұтынушылар төлемнің шекті мерзімдері, берешектер, артық төлемдер, тарифтер, есепке алу құралдары және басқа да нәрселер туралы ақпарат алады.

«АЛСЕКО» АҚ басып шығаратын коммуналдық қызметтерді төлеу шотына, келесі өзгерістер енгізілді:  

1) шоттың жоғарғы жолында негізгі қызмет көрсетушілердің байланыс деректері және компаниялардың логотиптері көрсетілген;

2) коммуналдық қызметтерді төлеу үшін қайталанған жолдары бар шоттың (шот түбіртектің) төменгі бөлігі алынып тасталды;

3) шоттың төменгі бөлігінде, қызметтер бойынша төлем мерзімдері, төлем сомасын есептеу кезеңдері, берешек туралы мәліметтер сияқты және тағы басқа да қызмет жеткізушілерден келген ақпараттық хабарламалар мен ескертулер басылып шығарылады;

4) шоттың төменгі жолында дербес шот нөмірі,  коммуналдық қызмет тұтынушының мекенжайы, шот қалыптастырылған кезеңі (айы/жылы), шоттың мөрленген күні және «АЛСЕКО»АҚ сайты көрсетілген.

Шоттың тек қана жоғары бөлігі толтырылады. Шоттың жаңа нысанын толтыру жөніндегі нұсқаулық-жаднаманы мына жерден алуға болады: https://www.alseco.kz/uploads/pamyatka_bill_new.docx

Төлем жасағаннан кейін барлық қағаз шот тұтынушыға беріледі. Банк төлем сомасын, күнін және уақытын қамтитын, жасаған төлем туралы мөртанба/ белгі қояды.

Жаңа шоттың үлгісін alseco.kz  сайтында, динамикалық (анимацияланған) өзгерістердің демо нұсқасы - https://www.alseco.kz/uploads/bill/kk/ сілтемелер бойынша көруге болады.

Өзгерістер АЛСЕКО мобилді қолданбадан немесе жеке кабинетінен басып шығаруға болатын қағаз шоттар мен шоттардың түпнұсқаларына қатысты. Интернет-банкинг жүйесінде көрсетілген шот (мысалы, kaspi.kz) өзгеріссіз қалады.

Негізгі өзгерістер қалалық тұтынушылар үшін коммуналдық қызметтерді төлеу шотына жатады. Алматы облысында тұратын тұтынушылар үшін «АЛСЕКО» АҚ басып шығаратын коммуналдық қызметтерді төлеуге арналған шотқа екі тармақ қосылды. Шоттың жоғарғы бөлігінде негізгі қызмет көрсетушілердің байланыс деректері және компаниялардың логотиптері көрсетілген; шоттың ең төменгі жолында жеке шоттың нөмірі, коммуналдық қызмет тұтынушының мекенжайы, шот қалыптастырылған кезеңі (айы/жылы), шоттың мөрленген күні және «АЛСЕКО»АҚ байланыс деректері көрсетілген. Коммуналдық қызметтерді төлеу үшін қайталанған жолдары бар шот түбіртектің екінші бөлігі әзірше өзгеріссіз қалады. Бұл банктердің облыстық бөлімшелері жасалған төлемдер бойынша деректерді электрондық мұрағаттауға көшу процесінде болуына байланысты.

Шоттың электронды нұсқасы өзгеріссіз қалады. Шот түпнұсқасын мобилді қолданбасынан немесе жеке кабинеттен сақтау және басып шығару кезінде жаңа үлгідегі шот берілетін болады.

Коммуналдық қызметтерді жеткізушілерден түскен хабарламалар тұтынушыларды алдын ала хабардар ету мақсатында шотта жарияланады. Олардын мерзімді төлеу мен қызмет көрсету мәселелері бойынша қосымша қолайсыздық пен түсініспеушілікті болдырмау үшін жеткізушілер мен тұтынушылар арасындағы міндеттемелерді орындауға қатысы бар.

«АЛСЕКО» АҚ шот-түбіртегін бірнеше тәсілмен төлеуге болады:

• «Қазпошта» АҚ кассаларында
• Банктердің бөлімшелерінде
• Интернет-банкинг арқылы
• Төлем терминалдары арқылы

«АЛСЕКО» АҚ банктерге қағаз шотта басылған ақпаратты береді. Сіздің мәселеңізді анықтау үшін Сізге төлем жасайтын банктің қолдау қызметіне жүгіну қажет, өйткені шот-түбіртекті төлеу сервисін әрбір банк өз бетінше ұсынады.

Егер Сіз шотты интернет-банкинг арқылы төлеп және бірден қатені байқаған болсаңыз, төлемді тоқтату үшін Сізге төлем жүргізілген күні банктің қолдау қызметіне жүгіну қажет.

Егер төлем бірнеше күн бұрын жүргізілген болса, онда қайтару мүмкін емес, өйткені Сіз төлеген қаражатты Банк әрбір жеткізушінің есеп айырысу шотына жібереді. Бұл жағдайда Сіздің төлеміңіз келесі айда шот-түбіртектегі артық төлем ретінде ескерілетін болады.

Алайда, егер Сіз төлемді қайтаруға ниет білдірсеңіз, қайтару үшін Сізге қызмет көрсету үшін артық төлеген әрбір жеткізушіге төлемді қайтару туралы жазбаша өтініш беру қажет болады.

Егер қағаз шот-түбіртекте есептегіштердің көрсеткіштері басылып шығарылған және оларды өз бетімен толтыруға арналған жолдар болса, ал Сіз шот-түбіртекті төлейтін банк сайтында олар жоқ болса, онда банктің қолдау қызметіне жүгіну қажет. 

Егер қағаз шотта есептегіштердің көрсеткіштерін енгізу үшін жол болмаса, Сізге есептегіштерді тексеру мерзімін (олар есептегіштердің паспорттарында көрсетілген) тексеру немесе Сізді қызықтыратын қызметті жеткізушіге жүгіну қажет. Тұратын адамдардың санын есепке ала отырып, есептеу жүргізілуі мүмкін.

Қалыптастырылған шот-түбіртектер банкке айына бір рет беріледі. Келесі айдың шотын қалыптастырғанға дейін шотта басылған деректер интернет-банкингте өзгермейді.

Төлемді:

• Жеке кабинетте сілтеме бойынша (алдын ала тіркеумен)
• АО «АЛСЕКО» АҚ мобильды қосымшасында телефоннан (Google Play Market, App Store-ға жүктеледі)
• «АЛСЕКО» АҚ анықтама телефон қызметінің: + 7 (727) 339 50 15 көп арналы телефоны бойынша тексеруге болады.

Сіз шот-түбіртекті төлейтін банк бұрын төленген шотты қайта төлеуге мүмкіндік бермейді. Қайта төлеу үшін Сіз басқа банктің интернет-банкингін, «АЛСЕКО» шот-түбіртектері бойынша төлем қабылдайтын терминалды пайдалана аласыз немесе «АЛСЕКО» шот-түбіртектері бойынша төлем қабылдайтын кез келген банктің кассасында қағаз шотын төлей аласыз.

Тұтынушылар үшін жеке шоттарды коммуналдық қызметтерді жеткізушілер ашады. Жеке шот ашу үшін Сізге келесі қызмет көрсетушілерге хабарласу қажет:

- «АлматыЭнергоСбыт» ЖШС;

- «Алматы жылу жүйесі» ЖШС;

- «Алматыгаз АЕО» ЖШС;

- МКК «Алматы су»;

- «ТӘРТІП» АҚ.

Шотта басылған ақпаратты «АЛСЕКО» АҚ-ына коммуналдық қызметтерді жеткізушілер ұсынады.  Олар берілген ақпарат үшін жауапты болады. Егер Сізде көрсетілетін қызмет бойынша сұрақ туындаса, Сізге тиісті қызмет көрсетушімен хабарласу қажет.

Шот-түбіртектегі ақпаратты өзгертуді коммуналдық қызметтерді жеткізушілер жүзеге асырады. «АЛСЕКО» АҚ шот-түбіртектегі ақпаратты өз бетінше өзгертуге құқылы емес.

Ақпаратты өзгерту үшін Сізге жеткізушілердің біріне өтінішпен және меншік құқығына арналған құжаттармен байланысуыңыз керек (сату, сыйға тарту және т.б. келісім-шарттың көшірмелері / egov.kz порталынан жылжымайтын мүліктің бар екендігі туралы анықтама / egov.kz порталынан жылжымайтын мүлікке тіркелген құқықтар (ауыртпалықтар) туралы анықтама):

- «АлматыЭнергоСбыт» ЖШС;

- «Алматы жылу жүйесі» ЖШС;

- «Алматыгаз АЕО» ЖШС;

- «ТӘРТІП» АҚ.

Салық сомасын дұрыс белгілеу үшін жылжымайтын мүлік объектісінің мемлекеттік дерекқорында жылжымайтын мүліктің меншік иесі туралы өзгерістер енгізу үшін жылжымайтын мүлік объектісінің тіркелген жері бойынша Мемлекеттік кірістер департаментіне барлық жеке құжаттармен байланысу қажет.

«АлматыЭнергоСбыт» ЖШС жеткізушінің «Электр энергиясы» қызметі бойынша «АЛСЕКО» АҚ шот-түбіртегінде екі жол басылады.

«Дербес толтырылады» деген бірінші жолда тұтынушы шот-түбіртекті төлеген кезде электр энергиясын есептегіштің ақы төлеу сәтіндегі көрсеткіштерін көрсетеді және ақы төлеу сомасын дербес есептейді.

«АЖК» АҚ көрсеткіштерін алу» деген екінші жолда «АЖК» АҚ бақылаушылары көрсеткіштерді алу кезінде тіркелген есептегіштің көрсеткіштері бойынша ақпарат басылады. Осы көрсеткіштер негізінде абонентке төлеуге есептеу сомасы есептеледі.

Нәтижесінде, «АЖК» АҚ бақылаушыларының көрсеткіштерді алу күні тұтынушының төлем жүргізген күнінен өзгеше болады, осы екі жолдағы электр энергиясын есептегіштердің көрсеткіштері ерекшеленеді.

«АЖК» АҚ көрсеткіштерін алу» деген жолда электр энергиясын есептегіштің көрсеткіштерін алу күніне назар аударыңыз. Бұл көрсеткіш дәл сол күнге тіркеліп, ағымдағы кезде өзгеруі мүмкін.

Егер «АЖК» АҚ көрсеткіштерін алу» деген жолдағы көрсеткіштер есептегіштің нақты көрсеткіштеріне сәйкес келмесе және Сіз оларды түзеткіңіз келсе, Сізге «АлматыЭнергоСбыт» ЖШС аудандық бөлімшесіне барып, есептегіштің көрсеткіштерін қайта тексеруге өтініш беру қажет. Бұл жағдайда «АЖК» АҚ бақылаушылары тексеруді жүзеге асырады және есептегішті «Тексеру актісін» жасайды. Осы акт негізінде өзекті күнге есептегіштің көрсеткіштері бойынша ақпарат түзетілетін болады.

«АЛСЕКО» АҚ шот-түбіртегіндегі ақпарат коммуналдық қызметтерді жеткізушілер ұсынатын деректер негізінде басылады. Олар берілген ақпарат үшін жауапты болады. «АЛСЕКО» АҚ шот-түбіртектегі ақпаратты өз бетінше өзгертуге құқылы емес. Сізге қызмет көрсету бойынша мәселе туындаған жеткізушімен тікелей хабарласу қажет.

Шот-түбіртектің төменгі бөлігінде шот-түбіртекті қалыптастыру кезінде төлемдер қандай күнге есепке алынғаны көрсетілген. Егер Сіз өткен айдың шотын көрсетілген күннен кеш төлеген болсаңыз, онда бұрын жүргізілген төлемді ескере отырып, ағымдағы айдың шотын төлеңіз. 

Шоттардағы салықтар бойынша барлық ақпарат (ЖСН нөмірі, төлемдер сомасы, өсімақы сомасы және т.б.) «АЛСЕКО» АҚ тікелей «Қазақстан Республикасы Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаменті» республикалық мемлекеттік мекемесінен электронды түрде алатын деректер негізінде басылады.

Шотта басылған бөтен ЖСН мәселесі бойынша, Сізге салық салу объектісінің /көлік құралдарының тіркеу орны бойынша мемлекеттік кірістер басқармасына жүгіну қажет.

Сізге салық салу объектісінің/көлік құралдарының тіркеу орны бойынша мемлекеттік кірістер басқармасына жүгіну қажет.

Түсініктеме алу немесе деректерді түзету үшін Сізге салық салу объектісінің / көлік құралдарының тіркеу орны бойынша мемлекеттік кірістер басқармасына жүгіну қажет.

Меншік иесінің жеке куәлігінің көшірмесін және жеке шоттың нөмірін info@alseco.kz электрондық пошта мекенжайына жіберіңіз

• Белгіленген үлгідегі өтінішті толтыру және сканерленген түрде меншік иесінің жеке куәлігінің көшірмесін, жылжымайтын мүлік құжаттарының көшірмелерін, Subscribe@alseco.kz электрондық пошта мекенжайына жіберу керек, мұнда «түбіртектің электрондық нұсқасын алғым келеді» деген белгі қойылады және алушының электрондық поштасының мекенжайы көрсетіледі. 
• «АЛСЕКО» АҚ мобильдік қосымшасында жеткізуге жазылу керек.

Назар аударыңыз! Электрондық таратуға жазылуды ресімдеу кезінде шот-түбіртек қағаз түрінде жеткізілмейді!

Шот-түбіртектің телнұсқасын бірнеше тәсілмен алуға болады:

• Жеке кабинеттен alseco.kz сайтында немесе App Store/ PlayMarket арқылы  тегін жүктеуге болатын АЛСЕКО мобильді қосымшадан басып шығару;
•  
• «АлматыЭнергоСбыт» ЖШС, «Алматыгаз АЕО» ЖШС немесе «Алматы жылу жүйесі» ЖШС қызмет көрсетушілерінің аудандық бөлімшелеріне;
•  
• «АЛСЕКО» АҚ сайтында https://bill.alseco.kz/ Тұтынушыларға арналған ақпарат бөлімінде – Түбіртектер басып шығару